Pas rreth 20 vitesh, kanalet kulluese në zonën e Barbullushit po i nënshtrohen pastrimit dhe rikthimit në funksion. Ndërhyrja vjen pas kërkesave të vazhdueshme të banorëve, veçanërisht për problemet me grumbullimin e ujërave gjatë reshjeve.
Punimet po kryhen nga Bashkia Vau-Dejës në bashkëpunim me Bordin e Kullimit dhe ekipet e Shërbimeve Publike.
Kryebashkiaku Kristian Shkreli deklaron se mirëmbajtja e rrjetit kullues do të shtrihet edhe në zona të tjera të bashkisë, ndërsa u ka bërë thirrje banorëve të mos hedhin mbetje në kanale.
Sipas bashkisë, pastrimi i tyre synon përmirësimin e kullimit dhe shmangien e përmbytjeve apo problematikave të tjera që shfaqen gjatë reshjeve të dendura.
