Një 25-vjeçar është dëmtuar në kokë, pas një incidenti të ndodhur mesditën e kësaj të premteje në një lokal në qytetin e Shkodrës.
Sipas informacionit paraprak të Policisë, rreth orës 12:00, shtetasi M. Ll., 25 vjeç, banues në Shkodër, dyshohet se ka rrëshqitur aksidentalisht në ambientet e një lokali, duke pësuar dëmtime në kokë.
Pas marrjes së ndihmës së parë mjekësore në Spitalin Rajonal të Shkodrës, i riu është transportuar me helikopter drejt Spitalit të Traumës në Tiranë.
25-vjeçari ndodhet aktualisht nën kujdesin e mjekëve.
Ndërkohë, grupi hetimor po punon për të zbardhur rrethanat e plota të ngjarjes.
Shkodër/Informacion paraprak
Rreth orës 12:00, shtetasi M. Ll., 25 vjeç, banues në Shkodër, dyshohet se aksidentalisht ka rrëshqitur në një lokal në qytetin e Shkodrës dhe për pasojë është dëmtuar në kokë.
Pas ndihmës së parë mjekësore në Spitalin Rajonal Shkodër, ai u transportua me helikopter në Spitalin e Traumës, Tiranë, ku ndodhet në kujdesin e mjekëve.
Grupi hetimor po punon për zbardhjen e rrethanave të rastit.
