Një rrëfim dramatik ka qenë ai që ka dhënë sot Merita Gremaj, në emisionin Me zemër të hapur në News24 të autores e moderatores Evis Ahmeti.
Gremaj, që ka bërë denoncim për dhunë e përdhunim ndaj dajës së Zegjine Çaushit bëri një deklaratë tepër të fortë. Deklaroi se është përdhunuar e dhunuar nga Bledar Bakaj në sy të djalit të tij.
Më tej, theksoi se i kanë shkuar në shtëpi nipërit e Bledar Bakajt dhe i kanë kërkuar të heqë denoncimin, pasi ndryshe do ishin në hasmëri.
Merita Gremaj: Ne jemi të traumatizuar. Babait ja ka këputur këmbën. Ne jemi akoma jemi të kërcënuar. Bledar Bakaj ka shokë edhe policët në Roskovec. Më kanë ardhur dy njerëzit e tij e më kanë thënë se bën mirë të heqësh denoncimin se do jemi në hasmëri. Kanë ardhur dy vetë në spital. Janë shumë të afërt me Bledarin, janë nipër e kushërinj. Nuk më kanë kërcënuar, por më thanë që është mirë që situata të qetësohet më thanë, se atë do e lirojnë.
Mua më çonte në varreza e më thoshte se varrin e këtu e trupin tënd nuk e lë të shkojë në Suk, se unë jam nga Suku. Mbante thika, nuk më linte të ikja. Më ka marrë forcërisht në ambiente të Politeknikës. Dhe kur më përdhunonte, prezent ishte djali e thoshte lëre se e vdiqe. Është shumë e tmerrshme ajo që ka ndodhur.
Bledar Bakaj, daja i Zegjine Çaushit, u arrestua për dhunë ndaj babait të ish-bashkëjetueses. Në drejtim të Bakajt janë hedhur akuza të rënda edhe nga ish-gruaja, po për përdhunim.
