Boksieri shqiptar Nelson Hysa do të rikthehet sonte në ring, ku do të përballet me norvegjezin e pamposhtur Thomas Narmo.
Dueli do të zhvillohet në “O2 Arena” të Londrës, në kuadër të eventit të boksit ku përballja kryesore është ajo mes Moses Itauma dhe Filip Hrgovic.
🥊 Nelson Hysa – Thomas Narmo
📍 O2 Arena, Londër
📅 29 gusht 2026
📺 DAZN
Hysa vjen në këtë përballje me një rekord prej 24 fitoresh në 24 ndeshje, 22 prej të cilave i ka fituar me nokaut. Edhe Narmo është i pamposhtur, me 14 fitore në po aq ndeshje.
Boksieri shqiptar, 41 vjeç, renditet aktualisht në vendin e gjashtë në WBA dhe të 11-in në WBO. Një fitore sonte do ta afronte më shumë me mundësinë për të zhvilluar përballje të rëndësishme në arenën ndërkombëtare.
Hysa ka deklaruar se synimi i tij është titulli i botës, ndërsa ka shprehur edhe dëshirën për t’u përballur me kampionin e WBC-së, Agit Kabayel.
Por fillimisht, ai duhet të kalojë Thomas Narmon. Shqiptari synon sonte fitoren e 25-të në karrierë dhe një tjetër hap drejt objektivit të madh, titullit kampion bote.
