Një numër i madh automjetesh është konstatuar gjatë orëve të para të mëngjesit në pikën kufitare të Muriqanit, teksa shumë emigrantë kanë nisur udhëtimin drejt vendeve ku jetojnë dhe punojnë.
Pamjet e regjistruara rreth orës 03:00 tregojnë lëvizje të dendura automjetesh në drejtim të doganës, duke sinjalizuar nisjen e fluksit të kthimit pas përfundimit të pushimeve verore.
Pritet që qarkullimi në Muriqan të mbetet i lartë edhe gjatë ditëve në vijim, pasi një pjesë e emigrantëve po rikthehen gradualisht në vendet e tyre të rezidencës dhe punës.
Fluksi i shtuar në këtë pikë kufitare pritet të shoqërojë ditët e fundit të sezonit të pushimeve, me mijëra udhëtarë që lënë Shqipërinë pas qëndrimit gjatë verës.
