Një aksident është shënuar në ujërat e Liqenit të Komanit, ku dy mjete lundruese janë përplasur me njëri-tjetrin. Si pasojë, disa persona kanë pësuar dëmtime.
Të lënduarit po nxirren nga zona e aksidentit dhe po transportohen drejt Spitalit Rajonal të Shkodrës, ndërsa ndërhyrja po kryhet në kushte të vështira për shkak të terrenit dhe distancës.
Banorë të zonës dhe persona që ndodheshin me varka janë angazhuar për t’u ardhur në ndihmë të dëmtuarve dhe për t’i transportuar ata drejt tokës.
Ende nuk dihen shkaqet e përplasjes, ndërsa informacionet për numrin e të lënduarve dhe gjendjen e tyre pritet të konfirmohen në vijim.
