Kreu i inteligjencës ushtarake të Ushtrisë Kombëtare Libiane, gjeneral brigade Fawzi Mansouri, është vrarë pas shpërthimit të një pajisjeje eksplozive të vendosur në automjetin e tij, jashtë banesës në lagjen Al-Hawari, në Bengazi.
Lajmi është raportuar nga media izraelite “Ynet News”, e cila citon burime të sigurisë që kanë folur për Reuters. Shpërthimi ka ndodhur mbrëmjen e kaluar, ndërsa autorët dhe personi që dyshohet se ka organizuar atentatin nuk janë identifikuar ende.
Ushtria Kombëtare Libiane, e drejtuar nga gjenerali Khalifa Haftar, kontrollon një pjesë të madhe të territorit në lindje dhe jug të Libisë.
