Anëtarja e Këshillit Bashkiak të Shkodrës nga Partia Demokratike, Eliona Kodra, ka publikuar një video të realizuar disa muaj më parë, në të cilën ka vënë në dyshim investimin në rrugën Bahçallëk–Harku i Bërdicës, duke u shprehur se ky projekt nuk është zgjidhja e duhur për lehtësimin e trafikut në hyrje të Shkodrës.
Kodra e ka shoqëruar videon me pamje të trafikut të rënduar të ditës së sotme në hyrje të qytetit, ku radha e automjeteve shtrihet në një gjatësi kilometrike.
