Dalja nga qyteti i Shkodrës po përballet me një fluks të lartë automjetesh, duke krijuar radhë të gjata dhe vështirësi në qarkullim. Trafiku është rënduar në akset që lidhin qytetin me Velipojën, Shirokën, Zogajn, Muriqanin dhe Tiranën.
Edhe pse në terren janë angazhuar efektivët e Policisë së Shtetit për të menaxhuar lëvizjen, qarkullimi vijon të mbetet i ngarkuar, sidomos gjatë fundjavës dhe në kulmin e sezonit turistik.
Situata po sjell vonesa për drejtuesit e mjeteve, banorët dhe turistët, ndërsa fluksi i madh i vizitorëve drejt zonave bregdetare dhe pikave turistike të qarkut po e rëndon edhe më tej trafikun.
