Hidrovori i Hotit, i ndërtuar në vitin 1978, dikur vadiste rreth 8 mijë hektarë tokë bujqësore falë 6 pompave të fuqishme që merrnin ujë nga Liqeni i Shkodrës dhe e përcillnin përmes kanalit vaditës deri në Vukpalaj.
Sot, ky investim i rëndësishëm publik është i amortizuar dhe prej vitesh nuk i shërben më askujt.
Pyetjet që ngrihen janë:
Pse është lënë në këtë gjendje Hidrovori i Hotit?
Kush mban përgjegjësi për degradimin e një investimi kaq të madh?
A administrohet ende nga Bordi i Kullimit me qendër në Lezhë?
A ka një projekt për rikthimin në funksion të këtij objekti jetik për bujqësinë?
Banorët kërkojnë përgjigje dhe veprime konkrete për një aset që dikur ishte jetik për zonën.
Burimi: Zani i Veriut
