Vllaznia ka zyrtarizuar afrimin e radhës në merkato, duke prezantuar mesfushorin boshnjak Rijad Kobiljar. Lojtari do të jetë pjesë e skuadrës kuqeblu për sezonin 2026-2027.
Përmes një njoftimi në rrjetet sociale, klubi shkodran i ka uruar mirëseardhjen futbollistit, duke theksuar se eksperienca dhe cilësitë e tij në repartin e mesfushës pritet të forcojnë ekipin në arritjen e objektivave për sezonin e ri.
“Mirë se erdhe në familjen e Vllaznisë”, shkruan klubi kuqeblu në mesazhin e tij të mirëseardhjes për mesfushorin.
Kobiljar vjen si një nga afrimet e rëndësishme të Vllaznisë në prag të sezonit të ri, teksa drejtuesit vijojnë të ndërtojnë një skuadër konkurruese për objektivat në kampionat dhe në arenën ndërkombëtare.
