Ish-drejtori i Policisë së Vlorës, Sokol Mulosmani, është vënë në pranga në Tiranë pas një konflikti të dhunshëm me familjarët, që dyshohet se ka shpërthyer për shkak të një mosmarrëveshjeje pronësie.
Bashkë me të janë arrestuar edhe katër persona të tjerë, mes tyre tre vëllezërit dhe nipi i tij.
Ngjarja u regjistrua mbrëmjen e së shtunës në rrugën “Njazi Meka” në kryeqytet, ku debati mes familjarëve degradoi në konflikt fizik.
Sipas të dhënave paraprake, në qendër të përplasjes kanë qenë mosmarrëveshjet për pronësinë, ndërsa po vijojnë hetimet për të zbardhur plotësisht rrethanat e ngjarjes.
