Një 38-vjeçar është arrestuar nga policia për mallra kontrabandë të dyshuara të futura ilegalisht nga Maqedonia e Veriut.
38-vjeçari u kap duke udhëtuar me një furgon në aksin rrugor Maqellarë–Bulqizë.
Gjatë kontrollit të furgonit tip “Benz”, policia gjeti 762 koli me pije freskuese pa dokumentacion shoqërues.
Hetimet u zgjeruan edhe në banesën e të dyshuarit, si dhe në një automjet tjetër tip “Volkswagen”.
Aty u zbuluan 1296 koli të tjera me pije freskuese dhe 638 kuti me produkte ushqimore, kryesisht salcë.
Ndërkohë, në pranga është shpallur edhe vëllai i tij, i dyshuar për përfshirje në të njëjtën veprimtari të paligjshme.
