Pak minuta më parë, një aksident i rëndë ka ndodhur në segmentin Fier–Libofshë, në afërsi të fshatit Petove.
Fatkeqësisht, dy automjete janë përfshirë në një përplasje; një Range Rover dhe një Mercedes. Si pasojë e goditjes së fortë, katër persona kanë pësuar dëmtime dhe janë transportuar me tri autoambulanca drejt Spitalit Rajonal të Fierit.
Raportet e para tregojnë se aksidenti ka shkaktuar bllokim të qarkullimit, duke formuar një radhë të gjatë automjetesh në këtë pjesë të rrugës.
Forcat e policisë kanë mbërritur në vendin e ngjarjes dhe janë angazhuar në hetimin e shkaqeve të aksidentit.
