𝐌𝐲𝐟𝐭𝐢𝐧𝐢𝐚 𝐒𝐡𝐤𝐨𝐝ë𝐫 𝐩𝐮𝐛𝐥𝐢𝐤𝐨𝐧 𝐩𝐫𝐨𝐠𝐫𝐚𝐦𝐢𝐧 𝐞 𝐊𝐮𝐫𝐛𝐚𝐧 𝐁𝐚𝐣𝐫𝐚𝐦𝐢𝐭: 𝐟𝐚𝐥𝐣𝐚 𝐦ë 𝟐𝟕 𝐦𝐚𝐣 𝐧ë 𝐱𝐡𝐚𝐦𝐢𝐧ë “𝐄𝐛𝐮 𝐁𝐞𝐤ër

Myftinia Shkodër ka bërë publike programin e ceremonive për festën e Kurban Bajramit, duke njoftuar se dita e parë e festës do të jetë të mërkurën, më 27 maj 2026.

Sipas njoftimit, ceremonia kryesore e faljes së Kurban Bajramit do të zhvillohet në sheshin pranë xhamisë “Ebu Bekër” në zonën e Fushë Çelës. Falja e sabahut me xhemat do të nisë në orën 04:45, ndërsa më pas do të mbahen mesazhe dhe këshilla fetare për besimtarët.

Namazi i Kurban Bajramit do të falet në orën 06:00, i pasuar nga mbajtja e hytbes së festës.

Ndërkohë, Myftinia Shkodër ka njoftuar edhe organizimin e “Festës së Fëmijëve” në oborrin e xhamisë së Parrucës, nga ora 09:00 deri në 10:00.

Për shkak të këtij aktiviteti, këtë vit nuk do të ketë pritje vizitash.

Në përfundim të njoftimit, Myftinia uron besimtarët myslimanë: “Me zemër të mirë dhe për shumë vjet Kurban Bajramin!”

POSTIMI I PLOTË

Myftinia Shkodër, 25 maj 2026

NJOFTIM

KURBAN BAJRAMI | E MËRKURË | 27 MAJ | 2026

Myftinia Shkodër njofton se Dita e parë e Kurban Bajramit është të mërkurën, më 27 maj 2026.

Ceremonia e faljes së Kurban Bajramit zhvillohet në shesh, pranë xhamisë “Ebu Bekër”, Fushë Çelë.

Falja e sabahut me xhemat bëhet në orën: 04.45.

Mesazhe dhe këshilla fetare.

️Falja e Namazit të Kurban Bajramit është në orën: 06.00.

Hytbeja e Kurban Bajramit.

Festa e Fëmijëve me rastin e Kurban Bajramit zhvillohet në oborrin e xhamisë së Parrucës, nga ora: 09.00 – 10.00.

Për shkak të Festës së Fëmijëve nuk do të ketë pritje të vizitave.