📍 Vijon operacioni për shuarjen e plotë të zjarrit në Vilz, Njësia Administrative Postribë.
Nën koordinimin e Prefekturës së Qarkut Shkodër dhe Agjencisë Kombëtare të Mbrojtjes Civile, në mbështetje të Forcave Vendore të Mbrojtjes Civile dhe MZSH-së së Bashkisë Shkodër, gjatë orëve të pasdites së djeshme u realizua ndërhyrja nga ajri nga Forcat Ajrore, e cila uli ndjeshëm intensitetin e zjarrit dhe eliminoi rrezikun për banesat.
Në terren vijojnë të jenë të angazhuara ekipet e MZSH-së, forcat operacionale pyjore, strukturat e mbrojtjes civile të Bashkisë Shkodër dhe 30 efektivë të Forcave të Armatosura, të cilët iu bashkuan operacionit që në orët e para të mëngjesit. Operacioni ndiqet dhe koordinohet në terren së bashku me Drejtorin Rajonal të AKMC për Veriun, z. Shkëlzen Çuni.
Administratori i Njësisë Administrative Postribë, kryeplaku i zonës dhe forcat vullnetare vijojnë angazhimin e pandërprerë në terren, në mbështetje të strukturave operacionale, deri në shuarjen e plotë të zjarrit.
Mirënjohje të gjitha strukturave qendrore e vendore, forcave vullnetare dhe banorëve të zonës për bashkëpunimin, përkushtimin dhe solidaritetin e treguar në mbrojtje të jetës së qytetarëve, pronës dhe pasurive tona natyrore.
