Në universitetin e Shkodrës “Luigj Gurakuqi” ditën e sotme u zhvilluan zgjedhjet për bordin e ri administrativ sa i përket votimit për 3 anëtarë që votohen nga Senati Akademik.
Në përfundim të votimit të fshehtë nga Senati Akademik tre pedagogët më të votuar që do jenë pjesë e bordi të ri në mandatin 5 vjeçar janë Peter Saraçi, më i votuari me 14 vota.
Saraçi futet për herë të parë në këtë bord duke qenë një emër i ri.
E dyta më e votuara e cila konfirmohet edhe për një mandat tjetër është Entela Hoxhaj me 12 vota e cila ishte pjesë edhe e bordit të kaluar.
Po ashtu një tjetër konfirmim është emri i Adrian Lekës i cili në mandatin që kaloi ishte edhe kryetar bordi.
Ndërkohë Brikena Kapisyzi nuk arriti që të konfirmohet për një mandat tjetër pasi mori vetëm 4 vota.
Të drejtë vote kishin 20 anëtarët e Senatit Akademik të universitetit të Shkodrës.
Ndërkohë bordi i këtij universiteti ka në total 8 anëtar prej të cilëve 4 emërohen nga Ministria e Arsimit dhe një tjetër votohet nga studentët si përfaqësues i tyre.
Anëtarët e tjerë nuk janë caktuar ende dhe pritet të përzgjidhen sipas procedurave ligjore të përcaktuara.
Më poshtë rezultatet e plota pas votimit të Senatit Akademik të universitetit të Shkodrës për bordin e ri administrativ.
Të zgjedhur në bordin e universitetit të Shkodrës:
Peter Saraci 14 vota
Entela Hoxhaj 12 vota
Adrian Leka 8 vota
Kandidatë të tjerë:
Dhurata Hoxha 7 vota
Arselida Mashi 7 vota
Arnisa Kosteri 5 vota
Brikena Kapisyzi 4 vota
