Një incident i pazakontë u shënua të premten në Peshkopi, ku një pikë karburanti u bë objekt kërcënimi me eksploziv.
Ngjarja ndodhi pranë Spitalit të Dibrës. Sapo policia konstatoi pakon e dyshimtë, nisi menjëherë hetimet. Përmes kontrolleve hetimore dhe verifikimit të pamjeve të sigurisë, autoritetet arritën të identifikojnë autorin si Zija Shulku.
Të dhënat paraprake tregojnë se eksplozivi ishte vendosur në një kuti picash, e cila iu dorëzua pronarit të karburantit. Brenda pakos ndodhej edhe një letër kërcënuese, ku autori kërkonte pagesën e 50 milionë lekëve brenda dy orësh.
Letra paralajmëronte pronarin se, nëse nuk do të kryente pagesën, pika e karburantit do të shkatërrohej përmes shpërthimit.
