Një 54-vjeçar humbi jetën teksa po transportohej drejt spitalit rajonal të Vlorës, ku mbërriti pa shenja jete.
Burime paraprake bëjnë me dije se viktima është identifikuar si Artan Pogoni. Ai u dërgua me autoambulancë nga zona e Rradhimës drejt spitalit, por fatkeqësisht mbërriti i vdekur.
Dyshohet fillimisht se shkak për ndarjen nga jeta të Pogonit ka qenë një infarkt, por përcaktimi përfundimtar pritet nga ekspertiza mjeko-ligjore.
Ndërkohë, autoritetet vijojnë hetimet për të zbardhur të gjitha rrethanat e kësaj ngjarjeje.
