Klubi “Vllaznia Taekwondo” ka marrë pjesë me sukses në turneun ndërkombëtar “7th Ulcinj Trophy 2026”, i zhvilluar në Ulqin të Malit të Zi, ku u bënë bashkë rreth 345 sportistë nga 33 ekipe dhe 5 shtete të ndryshme.
Në këtë aktivitet me pjesëmarrje të gjerë, sportistët shkodranë kanë arritur të spikasin me paraqitje të mira dhe një bilanc të pasur medaljesh, duke përfaqësuar me dinjitet qytetin e Shkodrës dhe Shqipërinë.
Në kategorinë Junior, rezultatet e arritura janë si më poshtë:
– Edrit Çoka (-63 kg) – medalje ari
– Amina Hadri (-49 kg) – medalje argjendi
– Isida Veroshaj (-49 kg, Class B) – medalje ari
– Menida Meta (-52 kg) – medalje ari
– Kejsi Gallubja (-63 kg) – medalje bronzi
Ndërsa në kategorinë Senior:
– Edri Hoti (-63 kg) – medalje bronzi
– Sajmir Trushi (-74 kg) – medalje ari
Në bazë të këtyre rezultateve, “Vllaznia Taekwondo” u rendit në vendin e parë në kategorinë Junior dhe në vendin e tretë në kategorinë Senior.
Ky sukses vlerësohet si fryt i punës së vazhdueshme dhe përgatitjes serioze të sportistëve, të cilët po kontribuojnë në rritjen e nivelit të taekwondo-s në Shkodër dhe më gjerë.
