KF Vllaznia ka zyrtarizuar afrimin e futbollistit Patrik Bardhi, i cili do të jetë pjesë e skuadrës kuqeblu për sezonin 2026-2027.
Klubi shkodran e ka prezantuar mesfushorin përmes një njoftimi në rrjetet sociale, duke e cilësuar atë si një lojtar me cilësi, ambicie dhe dëshirë për sukses, i cili pritet të japë kontributin e tij në objektivat e ekipit për sezonin e ri.
Në mesazhin e mirëseardhjes, Vllaznia i ka uruar Bardhit shëndet, suksese dhe sa më shumë fitore me fanellën kuqeblu, duke theksuar gjithashtu mbështetjen e tifozërisë shkodrane.
Me këtë lëvizje, Vllaznia vijon përforcimin e grupit në prag të sezonit të ri, me synimin për të qenë sa më konkurruese në të gjitha objektivat sportive.
“Mirë se erdhe, Patrik Bardhi!”, shkruan klubi kuqeblu në njoftimin zyrtar. ⚽🔴🔵
