Një banesë në Vermosh, në pronësi të shtetasit Gjelosh V., është grabitur gjatë orëve të natës nga persona ende të paidentifikuar.
Sipas pronarit, autorët kanë përfituar nga mungesa e familjarëve, të cilët kishin shkuar për të marrë pjesë në festën tradicionale të Vuklit. Hajdutët kanë kontrolluar të gjithë banesën në kërkim të parave dhe më pas kanë marrë disa bizhuteri me vlerë.
Ngjarja është zbuluar rreth orës 02:30, në momentin kur familja është kthyer në banesë dhe ka konstatuar vjedhjen.
Policia ka nisur hetimet për zbardhjen e plotë të rastit, ndërsa identifikimi i autorëve mbetet i vështirë për shkak të mungesës së kamerave të sigurisë dhe gjurmëve në vendngjarje.
