Vijojnë konsultimet publike me banorët e Njësisë Administrative Velipojë, në kuadër të procesit të këshillimit me publikun për Programin Buxhetor Afatmesëm 2027–2029 dhe projektbuxhetin vjetor 2027 të Bashkisë Shkodër, si dhe për projektligjin “Për ndarjen administrativo-territoriale të njësive të qeverisjes vendore në Republikën e Shqipërisë”.
Gjatë takimit, banorët shprehën mirënjohje dhe falënderime për investimet dhe ndërhyrjet e realizuara në zonën e tyre, duke vlerësuar përmirësimet e arritura dhe punën e bërë në shërbim të komunitetit.
Ndër prioritetet kryesore të ngritura nga banorët ishin:përmirësimi i infrastrukturës rrugore, përmirësimi i ndriçimit rrugor në disa zona; pastrimi dhe sistemimi i kanaleve kulluese të treta; sigurimi i transportit të fëmijëve për në shkollë; përmirësimi i infrastrukturës dhe rritja e cilësisë së shërbimeve publike.
Në kuadër të konsultimit për reformën administrativo-territoriale, banorët patën gjithashtu mundësinë të shprehin mendimet, shqetësimet dhe propozimet e tyre lidhur me projektligjin.
