Ish-futbollisti i KF Vllaznia, Luan Shpuza, aktualisht menaxher futbolli, ka reaguar ashpër në rrjetet sociale lidhur me situatën në akademinë e klubit kuqeblu.
Përmes një fotoje të publikuar me një mbishkrim shoqërues, Shpuza akuzon drejtuesit e klubit se trajnerët e akademisë kanë mbi pesë muaj pa marrë pagat e tyre, ndërsa fëmijët që stërviten aty vijojnë të paguajnë tarifat mujore.
“Trajnerët e akademisë kanë 5 muaj pa rroga, ndërsa paratë e fëmijëve i merr ekipi i parë”, shkruan ai në reagimin e tij.
Më tej, ish-futbollisti shpreh zhgënjimin për situatën në klubin shkodran, duke shtuar: “Ku u katandis klubi i madh Vllaznia”.
