Ted Kopliku ka reaguar përmes një statusi në rrjetet sociale, ku denoncon atë që e cilëson si një “gjyq publik” ndaj tij pas qarkullimit të një titulli që, sipas tij, është nxjerrë jashtë kontekstit.
Kopliku shprehet se është përballur me ofendime dhe kërcënime, ndërsa pretendon se në komente dhe portale është akuzuar se ka votuar ligje që i kanë sjellë dëm Shqipërisë. Sipas tij, disa persona kanë shkuar deri aty sa t’i kërkojnë të largohet nga vendi.
“A është kjo fytyra e Shqipërisë së Re?”, pyet Kopliku në reagimin e tij, duke kritikuar klimën e debatit publik dhe gjuhën e urrejtjes në rrjet.
Në fund të statusit, ai bën thirrje për ruajtjen e gjykimit dhe mendimit të lirë, duke shkruar: “Në një botë qorrash, mundohu të ruash sytë e ballit. Me çdo çmim!”.
