Shkrimtari shkodran Xhahid Bushati është përzgjedhur si një nga tre fituesit e Fondit të Krijimtarisë Letrare për Fëmijë 2026, një projekt i Qendrës Kombëtare të Librit dhe Leximit që synon të mbështesë publikimin e veprave të reja në gjuhën shqipe.
Bushati u nderua për dorëshkrimin “Plaku me akullore”, i cili u zgjodh nga juria mes aplikimeve të shumta. Së bashku me të, fituese u shpallën edhe Teuta Toska me “Na quajnë motrat Qiriazi” dhe Adelina Mamaqi me “Tregimet e kalendarit”.
Ky fond ka për qëllim të inkurajojë autorët që të sjellin vepra origjinale për fëmijë, duke u ofruar mundësinë që krijimet e tyre të botohen dhe të pasurojnë letërsinë shqipe për lexuesit më të rinj.
