Presidenti ultraliberal i Argjentinës, Javier Milley, ka ndërmarrë një kritikë të ashpër ndaj Asamblesë së Përgjithshme të OKB-së, duke e përshkruar këtë institucion si një “organizatë të padobishme që shërben vetëm për të ushqyer një kastë parazitësh të maskuar si burokratë me qëllime të mira”.
“Ata që duhet të garantojnë sigurinë kolektive dhe të drejtat e njeriut kanë dështuar në misionin e tyre dhe, në vend të kësaj, kanë lejuar kaosin, dhunën dhe terrorizmin ndërkombëtar”, u shpreh Milley, i cili njihet si aleat i Presidentit të SHBA-së Donald Trump, gjatë kritikave të tij – të njëjtat që i ka artikuluar dhe më parë për rolin e OKB-së.
Gjatë fjalimit në Asamblenë e Përgjithshme, presidenti argjentinas akuzoi OKB-në se “po mbyll sytë” ndaj pretendimit të kahmotshëm të vendit të tij për sovranitetin mbi Malvinat, ose Ishujt Falkland, ujërat e të cilëve janë të kontestuara mes Argjentinës dhe Britanisë. Ai gjithashtu shprehu shqetësim për qasjen e OKB-së ndaj Inteligjencës Artificiale.
