Një qytetare ka shprehur shqetësimin e saj në lidhje me kushtet e Spitalit Rajonal të Peshkopisë, duke denoncuar një situatë që, sipas saj, është në kundërshtim me standardet e nevojshme për një institucion shëndetësor.
Ajo tregon se tualetet e spitalit ndodhen në një gjendje skandaloze sa i përket higjienës, dhe lavamanët janë jo funksionalë. Për shkak të mungesës së ujit në këto ambiente, shfrytëzohen kova për të siguruar ujë, një situatë që ngre pikëpyetje mbi standardet e higjienës themelore.
Qytetarja thekson se papastërtia është e pranishme në ambiente të ndryshme të spitalit, ndërsa disa nga pajisjet dhe infrastruktura janë dëmtuar. Sipas saj, këto kushte krijojnë vështirësi jo vetëm për pacientët dhe familjarët e tyre, por ndihmojnë edhe stafin që punon çdo ditë në këtë institucion.
Denoncimi vjen në një moment kur qytetarët pritet të marrin shërbime shëndetësore të cilësisë dhe kushte dinjitoze në institucionet publike. Do të mbetet për t’u parë nëse autoritetet përgjegjëse do të reagojnë ndaj këtyre shqetësimeve dhe do të ndërmarrin masa për përmirësimin e situatës, ose nëse do të vazhdojnë me propagandën e rrjeteve sociale për një shëndetësi europiane dhe moderne.
