Transporti publik në aksin Shkodër–Shirokë–Zogaj ka ndryshuar orarin e shërbimit, duke rritur edhe frekuencën e udhëtimeve në këtë linjë.
Masa synon t’u lehtësojë lëvizjen banorëve të zonës, por edhe turistëve që gjatë sezonit veror vizitojnë Shirokën, Zogajn dhe destinacionet përgjatë liqenit të Shkodrës.
Me udhëtime më të shpeshta, qytetarët dhe vizitorët kanë një alternativë më praktike për të lëvizur drejt zonave turistike, veçanërisht në një periudhë kur fluksi i pushuesve është i lartë.
Rritja e frekuencës së transportit publik pritet të ndikojë edhe në përballimin e lëvizjeve të shtuara gjatë sezonit, duke krijuar më shumë mundësi për ata që zgjedhin të udhëtojnë drejt Shirokës dhe Zogajt pa automjetet private.
