Investimi në aksin Shirokë–Zogaj po ndryshon ndjeshëm realitetin e një prej zonave me potencialin më të madh turistik në territorin e Bashkisë Shkodër.
Banorët dhe përfaqësuesit e bizneseve të zonës vlerësojnë pozitivisht ndërhyrjen, duke evidentuar përmirësimin e aksesit dhe ndikimin që investimi po sjell në lëvizjen e vizitorëve dhe aktivitetin ekonomik.
Për vite me radhë, gjendja e amortizuar e rrugës dhe vështirësitë në qarkullim, ku në segmente të caktuara dy automjete mezi këmbeheshin, kanë kufizuar shfrytëzimin e potencialit të jashtëzakonshëm të vijës liqenore Shirokë–Zogaj.
sinkron
Me realizimin e investimit, aksi po merr një tjetër standard, duke krijuar kushte më të mira për banorët, vizitorët dhe bizneset që operojnë përgjatë tij.
Sinjalet e para që vijnë nga zona janë pozitive, me më shumë lëvizje dhe vizitorë, ndërsa bizneset shohin mundësi të reja për zhvillimin e aktivitetit të tyre.
Përmirësimi i aksit Shirokë–Zogaj nuk përfaqëson vetëm një investim në infrastrukturë, por një ndërhyrje që synon të krijojë një perspektivë të re për zhvillimin turistik dhe ekonomik të gjithë zonës së Liqenit të Shkodrës.
