Sekretari i Përgjithshëm i NATO-s, Mark Rutte, njoftoi këtë të mërkurë nga Turqia se samiti i ardhshëm i Aleancës do të mbahet në Shqipëri.
Kjo njoftim u bë gjatë një konference për mediat pas përfundimit të Samitit të NATO-s në Ankara, ku liderët e vendeve anëtare diskutuan mbi sigurinë euroatlantike, rritjen e investimeve në sektorin e mbrojtjes dhe sfidat që përballen vendet e Aleancës.
“Samiti i ardhshëm do të jetë në Shqipëri. Ky vendim u mor në Hagë. Tani jemi në Ankara dhe samiti i radhës do të zhvillohet në Shqipëri. Natyrisht, e dimë se ende duhet të vendosim për datën e saktë”, deklaroi Rutte.
Gjatë konferencës për shtyp, Mark Rutte theksoi se ky samit konfirmoi mbështetje nga të gjithë anëtarët e Aleancës dhe nënvizoi se do të investohen 70 miliardë euro për sigurinë dhe mbrojtjen.
“27 miliardë euro investime janë të nevojshme për infrastrukturën dhe për krijimin e faciliteteve të reja, si dhe për përdorimin e teknologjisë dhe inovacionit në avantazhin tonë. Kjo do të ndihmojë në zhvillimin e një bashkësie, një platforme të përbashkët për të gjithë aleatët në fushën e mbrojtjes.”
“Ky samit ka treguar se aleanca është më e fortë se kurrë, e bashkuar dhe gati për të luftuar dhe mbrojtur çdo centimetër të territorit të saj. Ne riafirmojmë përkushtimin ndaj mbrojtjes kolektive; një sulm ndaj njërit është një sulm ndaj të gjithëve dhe ne do të qëndrojmë të gjithë së bashku”, shtoi ai.
