Një 26-vjeçar u ndalua nga autoritetet në Roterdam pas një vargu sulmesh me thikë që ndodhën të shtunën në mëngjes, duke lënë dy persona të plagosur.
Policia e Roterdamit njoftoi se dy burra, të cilët dyshohet se ishin zgjedhur rastësisht, u goditën me thikë në zonat Schaepmanstraat dhe Marconiplein, në pjesën perëndimore të qytetit.
Njëri prej të plagosurve u dërgua në spital për trajtim, ndërsa viktima tjetër mori ndihmë të menjëhershme nga shërbimet e emergjencës në vendngjarje.
Rreth gjysmë ore më pas, autoritetet morën raportime për një tjetër tentativë për sulm me thikë, këtë herë në urën Brug Van Cyrene, në veriperëndim të Roterdamit.
Sipas policisë, i njëjti person dyshohet si autor i të gjitha incidenteve dhe besohet se ka lëvizur me makinë gjatë këtyre ngjarjeve.
I dyshuari 26-vjeçar është marrë në paraburgim, ndërsa hetimet për të sqaruar motivin dhe rrethanat e sulmeve vazhdojnë.
