Deputeti i Partisë Demokratike, Belind Këlliçi, ka shprehur shqetësimin e tij në një postim në Facebook lidhur me koncertin e Kanye West. Ai akuzon kryeministrin Edi Rama për shfrytëzimin e aktivitetit me motive politike.
Siç thekson Këlliçi, udhëheqësi i qeverisë po e paraqet koncertin si një arritje të tij personale dhe përpiqet ta shfrytëzojë atë si përgjigje ndaj protestave të opozitës, duke e shndërruar në një “antimiting”.
Deputeti demokrat po ashtu ka ngritur dyshime mbi mënyrën e financimit të këtij eventi, duke pohuar se organizimi i koncertit ka kushtuar rreth 4.2 milionë euro nga fondet publike. Sipas tij, kjo shumë paraqet një rast tjetër të keqpërdorimit të parave të qytetarëve.
“4.2 milionë euro vetëm që Edi Rama të duket mirë. Ky koncert hyn që tani në listën e aferave dhe zullumeve që ai bën me taksat e qytetarëve,” shprehet Këlliçi në reagimin e tij.
