Kryeministri Edi Rama sic do herë tjetër ku ka takime me figura të larta ndërkombëtare, nuk harron të bëjë shfaqje. Herë duke u ulur në gjunjë, herë me veshjen, e herë me batutat e tij të pavend.
Edhe kësaj herë, në fjalën e tij në Konferencën Ndërqeveritare iu drejtua Zëvendësministres për Çështjet Europiane të Qipros, Marilena Raouna, në greqisht, kurse Komisioneres së Zgjerimit, Marta Kos në një variant “jo saktësisht slloven.”
Meqënëse puthja me kryeministren e Italisë, Georgia Meloni, nuk i është kthyer, Kos pasi Rama e pyeti: Nuk më do mua, nuk hezitoi dhe i dha një puthje.
“E dashur Marilena, agapi mou! Faleminderit shumë, e dashur Marta! Nuk më do mua? Po mendoja të thoja “Yubim te”, “Yubim te” nuk është saktësisht varianti slloven, por edhe mund të jetë. Duhet të shihni e të mësoni nga dashuria e Shqipërisë për BE, dashuria e pashtershme, pa kushte, dashuri që sjell vuajtje ndonjëherë, por ja ku jemi, por sigurisht jemi shumë të lumtur”, tha Rama.
