Parlamenti ka votuar me shumicë të cilësuar projektrezolutën për integrimin e Shqipërisë në BE, ku edhe opozita ka bashkuar votat e saj.
Kryeparlamentari Niko Peleshi, në përfundim të diskutimeve që zgjatën që nga ora 10:00 e ditës së sotme, ftoi deputetët që ta votonin në mënyrë elektronike.
Në përfundim projektrezoluta kaloi me 114 vota pro, vetëm 1 abstenim dhe asnjë kundër.
Edhe në Komisionin për Evropën dhe Punët e Jashtme, ajo kishte kaluar me konsensus të plotë dhe asnjë kundër.
