Në kulmin e sezonit turistik, nga e hëna deri të dielën, qendra e Shkodrës është shndërruar në një pikëkalim të përditshëm për mjetet e tonazhit të rëndë. Kamionët dhe mjetet e ngarkuara lëvizin lirshëm në zemër të qytetit, pa respektuar kufizimet e qarkullimit dhe rregullat në fuqi.
Përballë kësaj situate, institucionet përgjegjëse duket se kanë zgjedhur të heshtin. Pavarësisht shkeljeve të hapura, nuk ka ndërhyrje apo masa konkrete, ndërsa lejimi i këtij fenomeni po ngre pikëpyetje të forta mbi përgjegjësinë e autoriteteve vendore.
Prania e mjeteve të rënda në qendër të qytetit, pikërisht në periudhën kur Shkodra pret mijëra vizitorë nga vende të ndryshme të botës, rrezikon të dëmtojë jo vetëm imazhin e qytetit, por edhe përpjekjet për promovimin e tij si një destinacion turistik.
Nga News Power
