Situata të tensionuara janë regjistruar jashtë mureve të parlamentit, në zonën e Pedonales, ku u mblodhën protestuesit.
Turma ka hedhur vezë drejt automjeteve të deputetëve, ndërsa në disa raste janë përdorur edhe domate për të goditur makinat. Përveç vezëve, protestuesit kanë zgjedhur edhe produkte të tjera të freskëta për të shprehur pakënaqësinë e tyre.
Policia e Shtetit ka ndërhyrë për të shpërndarë protestuesit, por tentativa për t’i larguar ka çuar në konfrontime të ashpra mes forcave të rendit dhe pjesëmarrësve në protestë.
Sipas gazetarit Osman Stafa, dy individë janë shoqëruar nga policia: Adriatik Lapaj dhe Shpend Gashi.
Automjeti në të cilin ndodhej Ilva Gjuzi u bë objekt i sulmit të protestuesve, të cilët e ndaluan dhe e qëlluan me vezë.
