Një numër i konsiderueshëm qytetarësh u bashkuan përsëri me protestën e sotme, e cila shënon ditën e 34-të nga sheshi “Skënderbej”. Pjesëmarrësit kryen një marshim simbolik drejt Ministrisë së Brendshme, për të vijuar më pas çdo mbrëmje para Kryeministrisë, ku kërkojnë dorëheqjen e qeverisë.
Thirrja kryesore e protestuesve ishte: “Lironi çunat tanë”, një apel që kërkonte lirimin e atyre që ishin arrestuar nga Policia të enjten, para Kuvendit.
Duke marshuar së bashku, ata shprehën kërkesat e tyre për lirimin e të ndaluarve, duke kënduar:
“Edi Rama o tradhtar, liro çunat sa më parë”.
Thirrje si “Rama jepe dorëheqjen”, “Arrestoni Ramën”, “Edi Rama o tradhtar, jep dorëheqjen sa më parë”, “Nuk ndalemi deri në dorëheqje”, “Shqipëria nuk është në shitje”, “Revolucion”, “Ju erdhi fundi”, “Shqipëria kërkon, revolucion”, “Shqipëri e re”, formuan një pjesë të rëndësishme të pankartave dhe parullave të tyre.
Disa nga thirrjet ishin gjithashtu:
“Edi Rama o tradhtar, dil këtu në bulevard, Shqipëria nuk është biznes privat”, “Edi Rama o legen, prite popullin se po vjen” dhe “Rama, Rama, F*ck You”.
