Me pak orë përpara protestës së paralajmëruar që do të zhvillohet këtë të shtunë para Kryeministrisë, autokolona e mjeteve nga diaspora ka arritur në Lezhë, duke sjellë mbështetje të madhe për ngjarjen.
Kjo protestë shënon numrin 35, ku qytetarët vazhdojnë të shprehin kërkesat e tyre për dorëheqjen e kryeministrit Edi Rama, si dhe për hetimin e tij dhe të zv.kryeministres Belinda Balluku.
Njëkohësisht, protestuesit po ashtu kërkojnë një sistem politik të ri. Ata kërkojnë që, pas dorëheqjes së qeverisë, të formohet një ekzekutiv tranzitor apolitik që do të përgatisë vendin për zgjedhje të lira.
