Një burrë 85-vjeçar është gjetur i vdekur në shtëpinë e tij në fshatin Buçimas të Pogradecit. I ndjeri, i cili jetonte pa asnjë familjar pranë, nuk kishte shfaqur shenja jete prej disa orësh.
Burime bëjnë të ditur se djali i të moshuarit, pasi nuk arriti të lidhej me të përmes telefonit, lajmëroi autoritetet. Menjëherë pas thirrjes, forcat e Policisë shkuan në banesë, ku konstatuan se 85-vjeçari kishte ndërruar jetë.
Hetimi fillestar lë të kuptohet se vdekja mund të ketë ardhur nga shkaqe natyrore. Ndërkohë, strukturat përkatëse po vazhdojnë procedurat për të sqaruar plotësisht ngjarjen dhe të gjitha rrethanat që çuan në vdekjen e të moshuarit.
