Në Shkodër u përkujtua rënia e 5 Heronjve të Vigut të cilët u vranë në 21 gusht në vitin 1944 në Mirditë. Në 82-vjetorin institucionet vendore organizata e Luftës Antifashiste Nacional Çlirimtare dhe familjarët vendosen kurora me lule në shtatoren e 5 heronjve të Vigut në njësinë Rrethina.
Gjatë ceremonisë, nuk mungoi edhe vendosja e yllit të kuq pranë bustit, nga anëtarë të Partisë Komuniste, si dhe nderimi tradicional me grusht. Në këtë ceremoni të përvitshme përkujtohet vepra e heronjve të popullit të vrarë më 21 gusht 1944; Ndoc Mazi, Ndoc Deda, Naim Gjylbegu, Hydajet Lezha dhe Ahmet Haxhia. 21 Gushti i 1944, shënon betejën mes 5 partizanëve të rënë dhe bashkëpunëtorëve nazistë, në Vig të Mirditës.
