Studentët e Fakultetit të Drejtësisë të Universitetit të Shkodrës “Luigj Gurakuqi” kanë arritur një tjetër sukses, duke u renditur në vendin e dytë në konkursin ndëruniversitar “University Competition Law”.
Si vlerësim për këtë arritje, studentët Ardit, Adelina .dhe Egzona, së bashku me mentoren e tyre, Prof. As. PhD Paulina Guli (Hoti), po zhvillojnë një vizitë studimore në Strasburg, e mundësuar nga Këshilli i Evropës.
Gjatë qëndrimit të tyre, ata po marrin pjesë në një sërë takimesh dhe vizitash në institucionet më të rëndësishme evropiane, mes tyre Këshilli i Evropës dhe Gjykata Evropiane për të Drejtat e Njeriut. Kjo përvojë u ofron studentëve mundësinë të njihen nga afër me mekanizmat që garantojnë demokracinë, shtetin e së drejtës dhe mbrojtjen e të drejtave të njeriut në Evropë.
Vizita në Strasburg përbën një mundësi të çmuar për pasurimin e njohurive akademike, zgjerimin e përvojës ndërkombëtare dhe krijimin e lidhjeve më të forta me institucionet evropiane. Njëkohësisht, ajo konfirmon nivelin e lartë të përgatitjes së studentëve të Fakultetit të Drejtësisë dhe përfaqësimin dinjitoz të Universitetit të Shkodrës “Luigj Gurakuqi” në arenën ndërkombëtare.
