Komisioni Rajonal Anti-Mafia i Ligurisë, i kryesuar nga Andrea Orlando, ka paraqitur raportin e tij të 6-të, ku theksohet roli i fortë i ‘Ndrangheta-s dhe rritja e ndjeshme e mafies shqiptare.
Orlando deklaroi se “kriminaliteti i organizuar në vendin tonë ka një prani të dukshme, me ‘Ndrangheta-n që ruan një kontroll shumë të fortë, ndërsa mafia shqiptare po fiton gjithnjë e më shumë autonomi dhe po shndërrohet në një aktor të rëndësishëm e të qëndrueshëm.”
Raporti nënvizon se aktivitetet kryesore lidhen me trafikun e drogës përmes porteve, si dhe me infiltrimin në ekonominë legale.
Në periudhën 2022-2024 janë regjistruar sekuestrime të mëdha në portet ligure: 445 kg kokainë në Gjenova (7 shkurt 2022), 412 kg në La Spezia (janar 2022), 968 kg në Vado Ligure (17 janar 2023) dhe 116 kg në Vado Ligure (mars 2024).
Liguria përfaqëson 18.2% të sekuestrimeve në nivel kombëtar, shifra më e lartë në Italinë Veriore.
Raporti thekson se, krahas rolit qendror të ‘Ndrangheta-s, tashmë ka një bashkëpunim të barabartë me krimin e organizuar shqiptar, i cili ka kaluar nga rolet e thjeshta të punës drejt specializimit në logjistikë, duke menaxhuar rikuperimin, magazinimin dhe shpërndarjen e narkotikëve, ndërkohë që ka fituar gjithnjë e më shumë autonomi operacionale./Ansa.it
