Ndryshojnë drejtuesit në disa institucione të ekzekutimit të vendimeve penale në vend.
Klodjan Myrto është emëruar drejtor i IEVP Reç, duke zëvendësuar Algert Çekrezin. Ndërkohë, Arjan Bozhaj është komanduar në krye të IEVP “313”. Alban Zela është komanduar drejtor në IEVP Rrogozhinë, pas pezullimit të Bilal Hasës. Po ashtu, në paraburgimin e Elbasanit është emëruar Markiz Sallufi, i cili ka zëvendësuar Qazim Hoxhën.
Ndryshimet, të firmosura nga drejtori i përgjithshëm Adriatik Kupi, vijnë pas dhjetëra kontrolleve të zhvilluara në institucionet penitenciare në të gjithë vendin. Gjatë kontrolleve janë konstatuar dhe sekuestruar sende të paligjshme, mes tyre telefona celularë, fisha karikimi, sasi të dyshuara lënde narkotike cannabis, si dhe thika artizanale.
Aksionet e kontrollit kanë nisur prej muajit prill, pas emërimit të Kupit në krye të DPB-së, ku ai zëvendësoi Klevis Qosen, tashmë drejtor i AMP-së.
