Tensione dhe përplasje në mbledhjen e Komisionit të Posaçëm Parlamentar për Reformën Administrativo-Territoriale, ku në qendër të debatit u bë përfaqësimi i Bashkisë Shkodër.
Nënkryetarit të Bashkisë Shkodër, Alban Preka, iu ndërpre e drejta për të marrë fjalën nga bashkëkryetari i komisionit Luciano Boçi, me argumentin se komisioni do të dëgjojë vetëm kryetarët e bashkive dhe jo nënkryetarët.
Por ky qëndrim solli reagimin e menjëhershëm të deputetes Marjana Koçeku, e cila ndërhyri duke kërkuar që Prekës t’i jepej fjala si përfaqësues zyrtar i Bashkisë Shkodër.
“Është përfaqësues i Bashkisë Shkodër, jepini fjalën”, mësohet të ketë deklaruar Koçeku gjatë debatit në sallë, duke kundërshtuar vendimin e Boçit.
