Shkodra ka kurorëzuar fituesin e Kampionatit Lokal të Shahut 2026. Në një garë të karakterizuar nga përballje të forta dhe rivalitet deri në lëvizjet e fundit, triumfi i takoi shahistit nga Stajka, Ndoc Baqli.
Baqli u përball me dy prej emrave të njohur të shahut shkodran, Erjon Temalin dhe Sadi Nezën, në ndeshje ku çdo lëvizje kërkoi përqendrim maksimal dhe strategji.
Në përfundim të turneut, Baqli arriti të grumbullojë rezultatin më të mirë, duke siguruar vendin e parë dhe trofeun e kampionit të këtij edicioni.
Për shahistin nga Stajka, ky sukses erdhi i shoqëruar me emocione të veçanta, ndërsa pas përfundimit të garës ai e vlerësoi triumfin si një moment të rëndësishëm në rrugëtimin e tij sportiv.
