Mbrëmjen e sotme, protesta e 94-të kundër qeverisë së Edi Ramës ka marrë një tjetër kthesë teksa pjesëmarrësit janë grumbulluar përpara ndërtesës së Kryeministrisë.
Protestuesit kanë rrethuar godinën qeveritare dhe kanë mbyllur hyrjet kryesore, me qëllimin për të penguar që kreu i qeverisë të largohet nga ambientet e Kryeministrisë.
Atmosfera është tensionuar me thirrje të vazhdueshme kundër kryeministrit Edi Rama, ndërsa qytetarët kërkojnë dorëheqjen e tij dhe paralajmërojnë vazhdimësinë e protestës.
Mes brohoritjeve të protestuesve dëgjoheshin: “Dorëheqje!”, “Ju erdhi fundi!” dhe “Dil në bulevard!”, teksa ata pretendojnë se kryeministri ndodhet ende brenda godinës.
Rreth Kryeministrisë janë pozicionuar forca të shumta të policisë, të cilët kanë ngritur një kordon sigurie përreth institucionit. Policia iu ka bërë thirrje protestuesve: Zhbllokoni rrugën!
