Kjo është situata në orët e mbrëmjes në zonën e Zdrales dhe pranë teatrit “Migjeni”.
Në natën e Bajramit, kur qyteti duhet të reflektojë pastërti dhe respekt për festën, disa zona të Shkodrës janë pushtuar nga malet me mbeturina.
Pamjet e mbrëmjes së sotme tregojnë kontenierë të tejmbushur dhe plehra të shpërndara kudo, ndërsa era e rëndë dhe ndotja po shqetësojnë banorët dhe besimtarët në një natë feste.
Qytetarët ngrenë me të drejtë pyetjen: për çfarë paguhen taksat e pastrimit, kur Bashkia Shkodër e lë qytetin në këtë gjendje edhe në një natë simbolike si Bajrami?
Në vend të një atmosfere festive dhe mikpritëse, pamjet që ofron qyteti janë turpëruese për institucionet përgjegjëse.
