Deputetja Marjana Koçeku ka dënuar ndërhyrjen e Policisë së Shtetit ndaj qytetarëve që protestuan sot pranë Parlamentit, duke e cilësuar përdorimin e forcës si të pajustifikuar dhe në kundërshtim me parimet demokratike.
Sipas saj, qytetarët kanë të drejtë të shprehin pakënaqësinë dhe kundërshtimin ndaj qeverisë në mënyrë paqësore, ndërsa roli i policisë duhet të jetë mbrojtja e institucioneve vetëm në rast se ato përballen me rrezik real, e jo ndjekja e protestuesve në rrugë.
Koçeku e cilësoi sjelljen e forcave të rendit si jo në përputhje me standardet demokratike dhe europiane.
