Bashkia Lezhë është renditur në vendin e parë në nivel kombëtar për realizimin e investimeve publike gjatë 6-mujorit të parë të vitit 2026, bazuar në të dhënat e Ministrisë së Financave.
Sipas kryebashkiakut Pjerin Ndreu, niveli i realizimit të investimeve ka arritur në 76%, duke e pozicionuar Lezhën në krye të bashkive për performancën financiare në këtë drejtim.
Ndreu e lidh këtë rezultat me menaxhimin e financave vendore dhe me ritmin e zbatimit të projekteve të planifikuara, duke theksuar se fondet publike duhet të përkthehen në investime konkrete për qytetarët.
Kryebashkiaku shprehet se kjo performancë është një shtysë për të vijuar me projekte të reja në Lezhë dhe njësitë përreth.
“Rezultatet na motivojnë të bëjmë edhe më shumë. Vazhdojmë përpara, me punë, përgjegjësi dhe përkushtim për Lezhën”, shprehet Ndreu.
